TATA IBADAH PASKAH SUBUH GKPI 2021 (BUHA-BUHA IJUK) YESUS TELAH BANGKIT (NUNGGA HEHE JESUS)

 

TEMA:

NUNGA HEHE JESUS

01.    Marende B.E. No. 96: 1-2            “Nunga Talu Hamatean”

Nunga talu hamatean Dibaen Tuhan Jesus I / Ai na hehe do Ibana Songon na nidokNa i

Haleluya, haleluya Nunga hehe Jesus i  / Haleluya, haleluya Nunga hehe Jesus i

Ia angka boruboru Lao do tu tanoman I / Ndang disi be Tuhan Jesus Nunga hehe sian i

                        Haleluya, haleluya Nunga hehe Jesus i  / Haleluya, haleluya Nunga hehe Jesus i

 

02.   Votum/Introitus              (P: Paragenda                   H: Huria)

P     : Pesta haheheon di BUhabuha Ijuk, parningotan di haheheon ni Tuhanta Jesus Kristus na tapatupa sogot manogot on, di pungka jala mardalan di bagasan goar ni Debata Ama, Anak dohot Tondi Parbadia.

H    : Amen

P     : Ari on do na jinadihon ni Jahowa, marolopolop jala marlas ni roha ma hita disi.

H    : Batu naung binolongkon ni angka pande bagas i, ima gabe batu parsuhi. Sian Jahowa doi masa, halongangan do i anggo di matanta.

P     : I ale Jahowa sai manumpak ma Ho.

H    : I ale Jahowa, sai Ho ma mambahen manjadi. Haleluya

P     : Martangiang ma hita: Ale Tuhan Jesus Kristus Tuhan nami, naung hehe sian na mate. Sogot manogot di buhabuha ijuk on, ro do hami ndi bagasan las ni roha laho mandok mauliate, mamuji jala pasangaphon goarMu, naung manaluhon huaso ni sibolis dohot hamatean ala ni haheheonMi. Nunga disondangi Ho roha nami, asa gabe marpangkirimon na mangolu hami. Ndang huhabiari hami be hamatean, ala Ho do Tuhan jala Sipangolu hami. Nunga dipaunsat Ho hami sian haholomon tu hatiuron, sian hamatean tu hangoluon na selelenglelengna. Ale Tuhan sai pargogoi ma hami manguluhon lomo ni rohaM, marhite hata, parange dohot pangulaonnami. Pinuji ma goarMu, sadari on ro di salelenglelengna.

03.  Marende B.E. No. 89: 1-2                            “Ate Didia Soropmi”

Ate di dia soropMi Nuaeng, o hamatean ?

Di dia hamonanganmi Nuaeng banuatoru ?

Na talu do hamu sude Na talu do sibolis pe Ai ditaluhon Jesus

Nang pe manggogo ulok i Mangalo ulubalang

                        Laos talu do tongamna i Dibaen na somal monang.

                        Tambihul ni diturbing  pe. Laos so tarbaensa monang be Tarlisat do uluna.

04.  Epistel: HESEKIEL 37: 7-14

05.   Marende B.E. No. 90: 1                 “Sai Tapuji Debatanta”

Sai tapuji Debatanta Ale hajolmaon I /Ai naung hehe do Tuhanta Sian hamatean i

Dipasidung Jesus i UlaonNa sasude /Patupahon haluaon Di saluhut hajolmaon.

06.  Narasai/Panjahaon I

Paragenda            : Alai torang ni arina i, na mangihut tu ari parhobasan i, marluhut ma angka sintua ni malim ro di Parise tu jolo ni si Latus, angka ninna ma:

Sude Pangula     : Huingot hami tuannami, naung didok Pangansi i, di na mangolu dope Ibana: Na hehe ma Ahu di ari patoluhon.

Paragenda            : Antong, dokkon ma na manjaga tanoman i sahat ro di ari patoluhon, asa unang ro angka siseanNa manangko Ibana, jadi dohonon nasida ma tu natorop: Nunga hehe Ibana sian na mate, gabe rumoa maon sipaotooto parpudi sian na parjolo i.

Sude Am              : Jadi didok si Latus ma tu nasida: Togihon hamu parjaga i. Laho ma hamu mangaramotisa, sian nasa rohamuna.

Sude Ina               : Dung i laho ma nasida, mangaramoti tanoman i, dipajagahon, huhut ma disahapi batu i.

Paragenda            : Asa dung salpu ari sabbat i, dituhor si Maria Magdalena dohot si Maria ina ni si Jakobus rap dohot si Salome ma ragamragam ni na hussus, laho mamiahi bangkeNa. Jadi mansai soot di ari parjolo dung Sabbat i, laho ma nasida tu tanoman i, di na binsar mata ni ari.

Sude Ina               : Masipandohan ma nasida: Ise ma manggulang batu i di hita, sian baba pintu ni tanoman i?

Paragenda            : Alai nunga masa lalo na gogo. Ai tuat do surusuruan ni Tuhan sian banua ginjang, jala dung sahat, digulang ma batu i, laos hundul di atasna.

Sude Huria          : Mamereng dompak i nasida, di ida ma naung digulang batu i, ai na balga situtu do i. dibongoti nasida tanoman i, gabe diida ma dolidoli sahalak, parulos na marlinanglinang, hundul tungkan siamun, jala mabiar situtu ma nasida.

Paragenda            : Alai ninna surusuruan i ma mandok parompuan i: Unang hamu mabiar, ai huboto, dilului hamu do Jesus, naung diparsilangkon. Ndang dison Ibana ai nunga hehe Ibana, songon na nidokNa hian, ida hamu ma inganan hapeahaNa i.

Sude Huria          :               (Mangendehon Ref. B.E. 96:1)

                                                                        Reff              : Haleluya, haleluya nunga hehe Jesus i.

                                                                                                 Haleluya, haleluya nunga hehe Jesus i.

Paragenda            : Hatop ma hamu laho tu angka siseanNa i paboahon, nunga hehe Ibana sian na mate, jadi joloananNa do hamu tu Galilea, disi ma idaonmuna Ibana, nunga hupaboa i tu hamu.

Sude Ina               : Dung i ruar ma nasida, maporus sian tanoman i, laos angka dodot do nasida   

                         jala tarmali. Jadi ndang dipaboa nasida agia tu ise, ai na tahuton do roha nasida.

 

 

07.   Marende B.E. No. 94: 2                                “Ale Tondinghu Naung Hehe”

Talu sibolis dibahen Tuhanta Nang hamatean nang dosa sudena

             Sai dihalashon rohanta ma I,  PangoluonNa do hita sude, PangoluonNa do hita sude

08.  Narasi / Panjahaon II

Sude Naposo      : Laos jongjong do si Maria di balian ni tanoman i tumatangis, jadi di partangisna i, dipaunduk ma ibana dompak tanoman i.

Paragenda            : Gabe diida ma hundul disi surusuruan dua, parabit na marlinanglinang, na sada tartungkan julu on, na sada nari tartungkan inganan ni pat ni hapehan ni bangke ni Jesus.

Sude S. Minggu                : Didok nasida ma tu ibana: Boasa tangis ho inang?

Sude Naposo      : Dibuat na mambuat do Tuhanki, ndang huboto manang na tudia ditaruhon.

Paragenda            : Mandok songoni, humosor ma ibana dompak pudi, gabe di ida ma Jesus jongjong di si, alai ndang ditanda.

Sude S. Minggu                : Dung i didok Jesus ma tu ibana: Boasa tangis ho inang? Ise dilului ho?

Sude Ina               : Jadi dirimpu rohana ma, tungkang porlak i Ibana, gabe didok ma tu Ibana: Anggo hamu do mambuat Ibana, paboa hamu ma tua ahu asa hualap Ibana.

Paragenda            : Dung i didok Jesus ma tu ibana: Maria! Jadi didompakhon si Maria ma Ibana, huhut mandok: Ale Guru!

Sude Pangula     : Jadi didok Jesus ma tu Ibana unang jama Ahu, ai ndang dope nangkok Ahu tu Ama i. Alai laho ma ho tu angka anggingki, dok ma tu nasida: Na laho nangkok ma Ahu tu Damang jala Amamuna, tu Debatangku jala Debatamuna.

Sude Ina               : Dung i laho ma si Maria Magdalena, dibaritahon ma tu angka sisean i: Nunga huida Tuhan i.

Sude Huria          :               (Mangendehon Ref. B.E. 96:1)

                                                                        Reff              : Haleluya, haleluya nunga hehe Jesus i.

                                                                                                 Haleluya, haleluya nunga hehe Jesus i.

Paragenda            : Nunga Tarbondut hamatean, nunga soluk hamonangan. Jo hamatean didia hamonanganmi?

Sude Huria          :  Jo hamatean didia soropmi?

09.  Marende B.E. No. 91: 1-2                             “Hatuaon Do”

Hatuaon do Las ni roha do Hangongot ni Tuhanta i

Mago do hita Ngot ma Tuhanta Las be, las be ma rohanta i.

Mago do hita Ngot ma Tuhanta Las be, las be ma rohanta i.

Hatuaon do Las ni roha do Hangongot ni Tuhanta i

Monang  do Jesus Talu sibolis Las be, las be ma rohanta i.

                        Monang  do Jesus Talu sibolis Las be, las be ma rohanta i.

10.    Narasi / Panjahaon III

Paragenda            : Nunga tutu dipahehe Tuhan i.

Sude Huria          :               (Mangendehon Ref. B.E. 96:1)

                                                                        Reff              : Haleluya, haleluya nunga hehe Jesus i.

                                                                                                 Haleluya, haleluya nunga hehe Jesus i.

Paragenda            :  Marhua ma dohonon ni na deba sian tongtongamuna, na so adong haheheon ni angka naung mate, dung sanga binaritahon taringot tu Kristus, paboa nauang dipahehe Ibana sian na mate?

Sude Naposo      : Alai anggo so adong haheheon ni angk na mate, ndang na hehe nang Kristus i.

Sude Pangula     : Alai anggo so hehe Kristus sian na mate, rumar ma jamita name, laos rumang ma haporseaon muna.

Sude Huria          :               (Mangendehon Ref. B.E. 96:1)

                                                                        Reff              : Haleluya, haleluya nunga hehe Jesus i.

                                                                                                 Haleluya, haleluya nunga hehe Jesus i.

Paragenda            :  Ai songon marhite sian sada jolma songgop hamatean, songon ido marhite sian sada Jolma, haheheon ni angka naung mate.

Sude Ama           : Ai tangkas do huboto, mangolu do Sipangolu ahu, jala Ibana parpudi jongjong di atas orbuk. Jala ia dung malangke hulinghulingkon, jala malua ahu sian sibukhon, idaonhu ma Debata.

Sude Huria          : Ai on do huboto hami: Di na tanggal bagas parlapelapean name, na sian tano on, adong ma di hami inganan, na sian Debata, bagas na so pinauli ni tangan, na mian salelenglelengna, di banua ginjang.

Paragenda            : Alai jaloonmuna do hagogoon ni Tondi Parbadia, na songgop tu hamu, gabe sitindangingKu ma hamu, di Jerusalem dohot di sandok Judea dohot di Samaria, sahat ro di ujung ni tano on.

Sude Huria          : Hami do panindangi di hata on, dohot Tondi Parbadia, na nilehon ni Debata tu angka na mangoloi Ibana. Amen

11.     Tangianag Pangondianon

12.    Marende B.E. No. 92: 1                 “Hauaoan Do”

Hatuaon do Las ni roha do Hangongot ni Tuhanta i

Mago do hita Ngot ma Tuhanta Las be, las be ma rohanta i.

Mago do hita Ngot ma Tuhanta Las be, las be ma rohanta i.

13.    Jamita   : LUKAS 24: 1-12

14.    Marende B.E. No. 467: 1                              “ Asi Ni Roham Hupuji”

Asi ni rohaM hupu ji ala Ho manobus au. Di paIas Ho rohangku, ga-be soranganMu Au.

IngananMu rohanami. TondiMi manggohi i. Pangke dohot ngolunami gabe ulaulaMi.

15.    Ayat Pelean        :              5 MUSA 12:11

16.    Tangiang Pelean

17.    Ende Pelean B.E. No. 470: 5       “Jesus Ho Nampuna Au”

Sere, arta, hepeng pe, buat ma di Ho sude:

            Tondi nang pamatangki, ingkon Ho oloan nii

18.    Tangiang Ale Ama nami

19.    Tangiang Pasupasu

20.   Amen . . . Amen . . . Amen.

“SELAMAT PASKAH”