Epistel (Responsoria
L: liturgis; J: Jemaat)
L : Sidengkohken
mo kata Debata, tupung ari Minggu en, imo si tersurat I 1 Samuel 1:9-18. Tikan
sidari enggo kessa pul mangan kalak i bages JAHOWA i Silo, kèkè mo si Hana i
mèja bekkasna mangan nai. Sinderrangna i i bages JAHOWA ngo Imam Eli, kundul i
karosina kan babah pèntu. Ibagessen bonek kalohon, mersodip ngo si Hana taba
JAHOWA ninganna tangis sesembepen.
J : Nai iruapken si Hana mo
jandina, nina mo, "Ialè JAHOWA Siperkuasa, perdatèken mo naposoMu èn.
Tengen mo kinipersuk naposoMu. Èngèt mo aku janah ulang lupaken aku! Mula
iberrè Kono bangku sada dukak daholi kujandiken mo, kennah kupesakat ngo ia
baMu sidekkah nggelluh ia. Kujandiken dèng ma, ukum bukna oda pernah
igonting."
L; Ndekkah kalohon ngo si
Hana mersodip i, janah iperdatèken si Eli ngo bibir daberru i.
J : Ai ibagasen ukur ngo si
Hana mesodip, jadi pellin bibirna ngo mobit-obit, tapi ukum sorana oda lot
terdengkoh. Kumarna bagidi, idokdok si Eli ngo ia mabuk.
L : Nai nina si Eli mo
tabasa, "Kasa nola mabuk ko i sèn! Ulang nèngè ènum anggur!"
J : Tapi ialoi si Hana mo,
"Oda mabuk aku alè Pa, ai oda ngo lot aku mènum anggur. Mendellè ngo aku,
janah tupung mersodip ngo aku ninganna kusukutken karina kinipersukku taba
JAHOWA.
L :Ulang idok kènè nola aku
daberru luhlah. Mersodip pè aku bagèen kumarna melui kalohon ngo atèngku."
J : Nai nina si Eli mo,
"Mula bagi, njuah-njuah mo ko lako balik. Katerra pè iuèi Dèbata kalak
Israel mo pengidonmi."
L : Ialoi si Hana mo,
"Katerra pè terolih pasu-pasu mo aku bai ndènè nai." Nai laus mo ia
mangan; janah oda nè melui ukurna.
“Sayurntua ngo kalak
simemegahken kata Debata janah simengeradum-radumisa”
L+J: Amin
