BAHAN LITURGI NATAL KELUARGA PENDETA GKPI

 

BAHAN LITURGI NATAL UMUM/KELUARGA

       Liturgi I -Salam Pembukaan

(Keluarga Pdt. Mirdat Siahaan/br. Tambunan

1.    Selamat Hari Natal, ima tabe sipasahaton nami tu hita sude di tikki on. Saluhut do marlas ni roha. Songoni ma nang hita parsidohot do dilas ni roha i. Tung andul do las ni roha di bagasan Natal i, ndang dos dohot las ni roha na diportibion jala ndang tarlehon portibion las ni roha si songon i, ai sude do marlas ni roha di bahen, kota, dohot di desa, namora dohot napogos, tung saluhut do mangolophon las ni roha i.

2.  Pangaradeon ni angka jolma i pe tung asing do molo dung jumpang Natal I, daging i pe tung hinsa jala hobas do. Di ganup bagas ni halak Kristen i pe nunga tung asing sian angka ari nasomal. Dakdanak dohot naung magodang sude bersemangat. Ai tung aha do  huroha pengaruh ni Natal i dingolu ni hajolmaon i ?

(Pdt. A. Sianturi/ Pdt. K br. Sitohang)

3.  Angka lagu lagu Natal tarbege do diendehon, pohon pohon terang nunga dipajongjong be di jabuna, angka gaba gaba pe nunga hembang, lampulampu pohon terang nunga mangkirdop. Kesibukan di tonga ni huria i pe lam godang do taida. Manang didia halak Kristen i holan Natal i nama ditaringoti, hinsa renta sude, denggan jala uli idaon ate ?

4.  Laos songon ima ditikki on, Anggiat ma marhite  Natal on gabe lam mangkehei roha dohot ngolunta laho mampareahi angka nadumenggan tu joloan ni ari on demi pembaharuan tu arah na undenggan.

 Unang ma nian  holan sada tradisi sambing Natal i di rohanta be, alai ikkon adong  parbuena dohot impola  nadenggan  naboi tapeop di bagasan ngolunta.Unang ma ala marlas ni roha halak  gabe dohot ma iba marlas ni roha, hape ndang binoto aha nahinalashonna. Molo adong halak nama nungkun hita: aha do lapatan ni Natal i ?,aha do alusta ?.

(Pdt.David Hutabarat S. Th)

5. Godang do halak ndang diboto aha do Natal i, laos adong do muse nunga nian marulak-ulak ibana    mandohoti pesta Natal i, hape  ndang diantusi lapatan ni Natal i. Boasa dohot ibana marlas ni roha ipe ndang diboto. Gabe songon pandok ni umpasa i, eme na masak digagat ursa ia i namasa ba  i ma niula, hobas dongan ba hobas ma nang dohot iba.

6. Adong halak namandok molo tingki ari Natal ima tingki laho mangallangi, pamer kemewahan dohot haulion, sipata olo do ndang marhadomuan pangalaho i tu situasi ni Natal i. Alai marhite pesta Natal keluarga Pendeta wilayah IV on, naeng paboaon ma aha do Natal i, jala aha do impolana tu dirinta be, jala dia do nanaeng sibahenonta, maradophon Debata dohot maradophon dongan jolma. Tutu do Natal i las ni roha alai aha do natahalashon i, tangkas do i annon begeonta marhite Nataltaon, antong tapaihuitihut ma denggan.

 

                                                

                                                  Liturgi II -Panompaon

 

(Pdt. S. Manurung/br. Hutabarat)

1.    Didok barita i onom ari ma Debata laho manompa portibion dohot nasa isina, jala dung singkop

sude, ditompa ma jolma i asa adong laho mangarajai sude angka natinompa i. Tung mansai tabo jala sonang do pangkilalaan ni jolma i, ai mandapothon naung denggan do nasida dibahen Debata ido asa di ari parpudi nasida ditompa Ibana.. Satahi saoloan do sude natinompa i, saurdot do nasida tu dolok tu toruan, sapangkilalaan, jala denggan marsiurupan. So adong nahurang, ndang adong hagunturon dohot hagaoron rap do sude nasida mangkilalahon hinauli ni natinompa i. Rap marende do nasida sude laho mamuji sipanompa i, ima Debata pargogo na so hatudosan i.

2. Si Adam dohot si Hawa do na gabe pimpinan, nasida do na manjalo huaso harajaaon i, las do roha nasida ganup ari, di bahen nasida do huhut goargoar ni sude angka natinompa i hombar  tu ragam dohot massamna be, sude do tunduk tu hata nasida, ai tu jolma i dilehon Debata sahala laho mangarajai sude natinompa i. Tung andul do panompaon ni Debata tu jolma i sian angka na asingna i, ai marhite tanganNa sandiri do ditompa Debata jolma i, jala tudos tu rupa dohot pangalaho ni Debata nasida ditompa Ibana. Dilehon do tondi i tu jolma ima tondi hangoluan i asa mangolu jala marbisuk nasida. Ndang dilehon tondi dohot bisuk I tu angka natinompa na asingna i.

 

(Pdt H. Naibaho/Br. Tambunan)

3. Adong do patik dilehon Debata tu nasida sudena, ima patik laho mangatur ruhutruhut di parngoluaon nasida. Asa di boto be angka dia do tugas dohot tanggung jawabna. Sudena i asa denggan do pangkorhonna. Maringan do nasida di sada porlak namansai uli situtu, ima porlak Eden do didok goarna, nunga diparade Debata disi sude angka naringkot diparngoluon nasida.

4. Marhite tangan ni Debata na gogoi, dohot huaso na sohatudosan i, sude ditompa Ibana, ido umbahen na digoari Ibana Debata pargogo na so hatudosan, Ibana do Alfa dohot Omega bonana dohot ujungna. Marhite sangkapNa ditompa Ibana portibion, alani ikkon sude do portibion pasangaphon Ibana.

 

Pdt. P. Rajagukguk/Br. Sianipar

5. Dipasidung Ibana do sude panompaon i onom ari ma lelengna, jala dung singkop jala uli diida  Debata, dipasingkop do muse marhite pasupasuNa tu sude natinompa i. Di dok Ibana asa sude nasida marpinompari sopar gabe jala torop maribur asa adong manggohi portibion.

6.  Jadi dung sun saluhut panompaon i dipatupa Debata maradian ma Ibana, jadi songon i ma barita panompaon i dohot panjadihon ni Debata di portibion.Tartoppa pe saluhutna i, ima laho patuduhon hagogoon ni Debatantai, jala tarbarita doi sahat ro di saleleng ni lelengna, sian tingki tu tingki jala sian abad tu abad saleleng adong portibion.

                                                       

 

                                           Liturgi  III -Dosa

Pdt. Th. Simatupang/br. Simangunsong

1.     Tutu mansai sonang do ngolu ni saluhut natinompa i, so adong nahurang di nasida. Singkop diparade Debata. Alai laos adong do angka aturan naso boi laosan ni jolma i dibahen Debata. Sada sian i ima: naso jadi pangannon nasida sian parbue ni hau na di parsitongaan ni porlak i asa unang mate nasida. Patik naso boi laosan do i, jala padan naso boi oseon, ai Debata do na  mamatikkon itu nasida.

2.     Molo dimulana i denggan do diradoti jala dioloi nasida patik i, alai dilaonlaon ni ari gabe dilaosi  do muse, ai tangi do nasida di hata sipangelaela ni si bolis i.Munggil ma roha pangoloion i,ai gabe hata ni si bolis i do ditangihon jala diihuthon nasida.Ido huroha bangko ni hajolmaon, denggan do molo dompak alai jahat do molo dung tundal.

 

Pdt. S. Samosir S.Th

3.         Dipangan nasida do parbue ni hau na diparsitongaan niporlak i, hau parpadanan, hau parjanjian gabe madabu ma tu dosa. Dijalo nasida ma upa tinuhor ni dosana ima hamatean na jorbut i, jala apala najumorbut ima ala gabe sirang ma jolma i sian Debata, mengkel ma sibolis i sian las ni rohana, ai nunga monang nasida laho paotootohon jolma i.

4.         Hinorhon ni dosa i gabe masa angka hagaoron di sandok portibion, tubu ma angka rohana na marsihosoman dohot marsilatean, marporangi ma bangso tu bangso holan laho manggulut huaso. Masa angka lan hapariron dohot parungkilon bolon. Hosom, elat, teal nunga gabe songon sada budaya be di portibion, gabe lam dao doparsaoran i, jala holong lam ngalingali

5.         Molo sasintong ndang holan ala napinangan nasida i gabe mangkorhon bongot dosa i, alai alana disangklapi jolma i do naeng dos ibana dohot Debata. Ai ndang ro uhum i aut sura olo jolma i mangaku hasalaan na, unang nian gabe mencari alasan laho membenarkan diri.

6.         Ah, tung najorbut ma tahe pangkorhon ni dosa i, ai naung denggan hian ikkon gabe sega majala natiur hian ikkon gabe mangkolom. Namarlas ni roha ikkon gabe marsak, namekkel nasailaonna i alai ikkon gabe tumatangis ma. Patut do didok angka natuatua, tinampul bulung sihupi pinarsaong bulung sihala, unang ma manolsoli di pudi nda sipaingot so ada.

 

Pdt. T. Sinambela S. Th

7.         Tung tagamon dope ulaning roha namarpamuation sian Tuhan i, asa paulahonna suang songon na somal muse?.Sotung do gabe las mate jolma i dibagasan uhuman najorbut i, adong dope ulaning roha namarpamuation sian Tuhan i ?.Nda Debata parholong ni roha do Ibana tahe. Nunga tung maheu be portibion songon tano na dangaron i, na uasan di aek udan.

 

 

 

                              Liturgi  IV ( 10 Halak ) Baga baga Haluaon

(H. Siahaan/Pdt. GP. Samosir S. Th)

1 :   Jesaya  1 : 18

       “Dung i sai ro ma hamu, asa mardabu-dabu hita, ninna Jahowa. Tung sura rara dosamuna songon abit bunga dapdab, bontar do bahenonku songon itak; nang pe rara songon abit hasumba, gabe songon hapas do muse”

2:   Jesaya 44 :22

     “ Nunga pola hupasisi songon ombun angka pangalaosim, jala songon ombun manorop angka dosam. Sai mulak ma ho tu ahu, ai ahu do sipalua ho”.

3:   Jesayas 44 : 24

    Songon on do hata ni Jahowa sipalua ho jala na jumadihon ho sian bortian dope; Ahu, Jahowa do na mambahen saluhutna, ahu sandiri pahembang angka langit, ahu sandiri paherbang tano on.

 

S. Sinaga/Pdt. R. Batubara S.Th

4:   Jesayas  54 : 7

   Satakkarisap lelengna hutadinghon ho alai papungupunguonku do ho muse marhitehite angka asi ni roha godang!

5 :  Jesayas 54 : 8

   Tagan di parpiar ni murukku hutabunihon bohingku satongkin maradophon ho, alai marhitehite denggan basa salelenglelengna asianku ho, ninna jahowa sipalua ho.

6 :  Sakkaria 9 : 9

   Mariaria situtu ma ho, ale boru Sion, marolopolop ma ho ale boru Jerusalem! Ida ma, na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina.

 

Pdt. O. Lumban Gaol/br. Silalahi

9:    Psalmen 107 : 6

  Jadi joujou ma nasida tu Jahowa di hagogotan nasida i, gabe sipalua Ibana nasida sian hagogotan nasida i.

10:  Johannes 3 : 16

     Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana.

                        

                               

 

  Liturgi V -Hatutubu

Pdt. Berkat Sihombing S. Th

1 :  Mateus  1 :  18

    Ianggo hatutubu ni Jesus Kristus songon on do; uju oroan ni si Josep i dope inana, si Maria i, gabegabean do ibana sian Tondi Parbadia, andorang so masipadonohan dope nasida.

2:   Lukkas  2 :  1- 3

   Dung i ro ma uju i parenta sian Kesar Augustus, ingkon suratan nasa jolma di gomgomanna. Pamilangon parjolo ma i, uju digomgomi si Kirenius tano Siria. Jadi borhat ma sasude, asa disurati, ganup tu bona ni pinasana.

 

Pdt. B. Sihotang/Br. Berutu

3:   Lukkas  2 :  4- 7

  Borhat ma nang si Josep, na sian Galilea, sian Nasaret, nangkok tu luat Judea, tu huta ni si           Daud, na margoar Betlehem, ala sian pomparan jala marga ni si Daud ibana, pasurathon dirina rap dohot si Maria, oroanna i, naung gabegabean. Jadi di na disini nasida, gok ma ari ni hangoluanna. Ditubuhon ma anak buhabajuna, di borhos ma, dipeakkon ma tu bagasan panggagatan, ala so adong inganan na asing di parmianan nasida.

4:   Lukkas  2 :  8-11

   Jadi adong ma marborngin di ladang na disini angka parmahan, mangingani pinahan nasida. Jadi didapothon sada surusuruan ma nasida, jala marsinondang ma sanggap ni Tuhan i humaliang nasida, gabe mabiar situtu ma. Alai didok surusuruan i ma tu nasida. Unang mabiar hamu; ai barita halalas nin roha godang do huboan tu hamuna, parsaulian ni sandok bangso i. Ai naung tubu do di hamu saborngin on, di huta ni si Daud, Sipalua i, i ma Kristus, Tuhan i!

 

Vikar A Limbong

5:   Lukkas  2 :  12-14

   On ma partinandaan di hamu: posoposo do dapotonmuna na binorhos peak di panggagatan. Jala tompu ma adong dongan ni surusuruan i torop angka parangan parbanua ginjang, dipuji nasida do Debata, mandok: hasangapon ma di Debata di ginjang, dame ma di tano on, di angka jolma halomoan i.

 

Vikar Yohanes Sihombing

6.  2 Korint 8 : 9

Ai diboto hamu do asi ni roha ni Tuhanta Jesus Kristus, na mamora hian, gabe pogos ala ni hamu, asa gabe mamora hamu hinorhon ni pogosna i.

 

 

 

TATIB IBADAH NATAL KELUARGA PENDETA WILAYAH IV DATAKALASPA CINTA KASIH KRISTUS YANG MENGERAKKAN PERSAUDARAAN

 

       

                   

   

  

 

Tema :

CINTA KASIH KRISTUS YANG MENGGERAKKAN PERSAUDARAAN

(1 PETRUS 1:22)

 

 

l. PANGARADEAN

a. Borhat sian bilut parhobasan  dibagasan tangiang

b. Barisan prosesi  (diiringi musik ‘Ku Masuk Ruang Maha Kudus”

c.  Pembukaan Oleh MC

MC: Hamu ama nami dohot ina nami, nang ianakhon nami nahinaholongan di bagasan Jesus Kristus, di loas asi ni rohaNa do hita marlasniroha mamestahon ari hatutubuni Anakna Tuhan Jesus di tingki on. Alani i, sian lasniroha ma hita pasahathon puji-pujianta dohot hamauliateon tu adopanNa, asa marsangap Debata dingolunta. Martangiang ma hita di bagasan rohanta, anggiat dame nang pasu-pasuNa, mian di ngolunta di tingkion nang tuari nanaeng sidalanonta dope. (Saat teduh)

 

ll.PAGALAK LILIN : (dijouma sipagalak lilin)

1.      Parjamita: Pdt. T. P. Sihombing, M.Th (sumber api)

2.      Korwil (Pdt.Mirdat Siahaan S.Th.MM)

3.      Pendeta GKPI Kotacane (Pdt. Berkat Sihombing S.Th)

4.      Mewakili Pendeta GKPI Wilayah IV

5.      Mewakili Parhalado GKPI Kotacane

6.      Mewakili Istri/suami Pendeta

7.      Mewakili anak pendeta GKPI Wilayah IV

 

III.IBADAH

1.      Marende: BE. No. 57: 1–2  (Nungga Jumpang Muse)

Ø  Nunga jumpang muse ari pesta i, hatutubu ni Tuhanta Jesus i.  Tuat do Ibana sian surgo i, mebat tu hita on.

            Reff : Hasangapon di Debata, dame, dame ma di jolma.

        Las ni roha ni Debata hajolmaon muse.

                                                                         (Rim ma hita jonjong)

Ø  Beta ale dongan tu Betlehem i, ita somba ma dakdanak na disi. Natinongos ni parasi roha i, Debata Ama i.

Reff : Hasangapon di Debata, dame, dame ma di jolma.

        Las ni roha ni Debata hajolmaon muse.

 

2.      Votum/Introitus  (U: Uluan, R: Ruas)

U    : Holan sian Jahowa do pangurupion  di hita, Antong marhite goar ni Debata Ama dohot goar ni AnakNa Tuhan Jesus Kristus dohot goar ni Tondi Porbadia pungkaonta acara natal on. Dungi gabe daging ma hata i, jala maringanan di tongatonga ni hita on.

R     : Jadi huida hami ma hasangaponna i ,songon hasangapon ni Anak sasada na sian Ama i, gok asi ni roha dohot hasintongan.

U     : Nunga patar hangoluan i, jala nunga huida hami jala nunga huhatindangkon hami dohot hubaritahon hami tu hamu hangoluan na saleleng ni lelengna i.

R   : Dipatimbul rohangku do Tuhan i, mariaia do tondingku mida Debata sipalua ahu. Ai ditatap do haetehon ni naposona. Marhatuaon ma ahu olat ni on marsundutsundut. Ai habalgaon do dibahen pargogoi tu ahu, Na badia do Goarna, ai marsundut sundut do asi ni rohaNa  mida angka namangkabiari Ibana.

 U   :  Ai nunga tubu di hita sada posoposo, dilehon tu hita sada anak, jala bahenonna ma goarna “Sipartahi halongangan ulubalang ni Debata  ama saleleng ni lelengna  Raja ni Hadameon”.

 R   : Endehon hamu ma sada ende na imbaru di Jahowa, pajojor

hamu ma di tongatonga ni angka sipele begu hamuliaonNa i. Marsomba ma hamu tu Jahowa marpahean na marhadohoan.

U :Bangso na mardalani di bagasan haholomon marnida sada panondang na bolon, binsar do sada pa nondang diangka na mangingani tano na nilinggoman ni hamatean.

R   : Hehe ma ho jala marsinondang ma ho, ai na ro ma  panondangmu jala hamuliaon ni Jahowa binsar di atasmu,

U : Ai ida ma haholomon do mangkupkupi tano on, jala  hagolapon angka bangso,alai na binsar ne ma Jahowa di atasmu, jala marsinondang hamuliaonna di atasmu. Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on. Haleluya.....

U+R  : (Mangendehon: .........Haleluya....Haleluya....Haleluya.....)

U : Martangiang ma hita: Ale Tuhan Debata, Amanami na di banuaginjang! Marroha Ama do Ho tu hami halak pardosa na dangol on, ala dilehon Ho do AnakMu na sasada i, Tuhan Jesus Kristus asa porsea hami jala dapotan hangoluan marhite sian Ibana. Na mangido ma hami nuaeng tu Ho, suru ma Tondim na badia i tu rohanami, asa manahan hami sahat ro di ujungna dibagasan haporseaon na sintong jala asa martua hami marhitehite AnakMu Tuhan Jesus Kristus Tuhan nami.

   R  : Amen.                                                  (Jemaat duduk)

             

3.  Marende: BE No. 48  : 1-2 (Ria Ma Hita Sasude)

Ø  Ria ma hita sasude mamuji Debata,

girgir ma parendenta be,ai i do na tama ai i do na tama.

Ø  Diungkap Debatanta i, banua ginjang i.

Di suru do Anakna i hangoluanta i, hangoluanta i.

 

4. Epistel :   Rom 12:4-8                                    

U   : Martua do naumbege hata ni Debata,na umpeopsa jala namangulahonsa.

U+R  :  Amen.

 

5. Marende:  BE No. 56:1+4 (Sai ro ma hamuna)

Ø  Sai ro ma hamuna angka na porsea, sai ro ma hamuna tu Betlehem, ida dakdanak, sipalua hita

Tasomba ma Ibana (3x),  Rajanta.            (Rim ma hita jonjong)

Ø  O Jesus, Tuhanku, sai naeng pujionku, pambaenmu di ahu pardosa on, ai gabe jolma Ho humophop ahu

Tasomba ma Ibana (3x),  Rajanta.

 

6.  Manopoti Dosa & Bagabaga : (U: Uluan, R: Ruas)

U      : Tatopoti ma dosanta tu adopan ni Debata, martangiang ma hita dibagasan rohanta be:

         .....Hening & Musik Mengalun......

U      : Ale Tuhan Debata, Ama ni Tuhan Jesus Kristus, Ho do Debata pargogo na sohatudosan, sitompa nasa na adong, paruhum na tigor, na manguhumi jolma manisia. Na ro do hami tu joloM manopoti dosanami, angka na huula hami marhite sian pangalaosion nami di patikMu,

R: Ima marhite sian tubutubu ni rohanami na roa i, nang sian panghataion nami na so ture, ro di hisaphisap ni roha nami. Na tama situtu do hona uhum hami alani dosa nami, alai na tarsolsol bagi do hami nuaeng alani i.

U      : Asi ma rohaM di hami, ale Debata nami. Pardenggan basa jala parasi roha do Ho alani Anak haholongan ni rohaM, Tuhan Jesus Kristus Tuhan nami.

R      : Sai sesa ma dosa nami saluhutna, jala suru ma Tondi Parbadia tu rohanami be, asa tarbahen hami mangoloi Ho dibagasan hatigoran dohot habadiaon,

U      : Gabe sahat hami tu hangoluan na so ra suda, pinarbagaM di angka na porsea di AnakMu Tuhan Jesus Kristus Tuhan nami.

       R    : Rap Mangendehon BE No: 182:3 ”Haholongon na badia”

              Sai jotjot do hutadingkon, dalanmi na tigor i,

              Kristen au, hape hutondong, dalan hamagoan i.

       U    : Tabege ma bagabaga ni Debata taringot tu hasesaan ni dosanta: Songon on do Hata ni Tuhan Jahowa, nunga pola

              hupasisi angka pangalaosim songon ombun, jala Sipalua ho.

              Hasangapon ma di Debata na di ginjang!

      R     : Amen.                                                                       (jemaat duduk)

 

7. Vocal Solo:Pdt. Tiar Mauli Sinambela, S.Th   

 

8.  Liturgi I:    Salam pembukaan

Ø Keluarga :  Pdt. M. Siahaan/br. Tambunan

Ø Keluarga : Pdt. A. Sianturi/ Pdt. K br. Sitohang

Ø  Pdt.David Hutabarat S. Th

 

9.  Marende  BE.  No. 52 : 1-2 (Hatuaon do)

Ø  Hatuaon do las ni roha do hatutubu ni Jesus i.

Mago do jolma, ro ma Tuhanta, las be, las be ma rohanta i.

Ø  Hatuaon do las ni roha do,hatutubu ni Jesus i.

Domu do hita tu Debatanta, Las be, las be ma rohanta i.

 

10.  Liturgi  II: Liturgi Panompaon

Ø Keluarga : Pdt. S. Manurung/br. Hutabarat

Ø Keluarga : Pdt H. Naibaho/Br. Tambunan

Ø Keluarga: Pdt. P. Rajagukguk/Br. Sianipar

 

11. Persembahan Pujian:Pendeta Perempuan & Istri-istri Pendeta

 

12. Marende BE.   No. 61 : 1–2 (Na Tau Las Ni Roha)

Ø  Natau las ni roha hatutubu ni, Jesus sipalua haholonganki, Jesus sipalua haholonganki.

Ø  Tung godang do dosa pangunjunan pe, mangarsahi hita paimate be, mangarsahi paima mate be

 

13. Liturgi III: Dosa

Ø Keluarga : Pdt. Th. Simatupang/br. Simangunsong

Ø Keluarga : Pdt. S. Br.  Samosir S.Th

Ø  Pdt. T. Sinambela S. Th

 

14. Marende BE. No. 56 : 2 (Sai Ro Ma Hamuna)

Ø  O, Raja na sangap Tuhan nisaluhut, ditaon Ho naporsuk di tanoon. Alani jolma na di hamagoan. Tasomba ma Ibana,

           Tasomba ma Ibana tasomba ma Ibana rajanta

 

15.  Liturgi IV: Bagabaga Haluaon

Ø Keluarga : H. Siahaan/Pdt. GP. Samosir S. Th

Ø Keluarga : S. Sinaga/Pdt. R. Batubara S.Th

Ø Keluarga: Pdt. O. Lumban Gaol/br. Silalahi

 

16.  Koor : Keluarga Pendeta Wilayah IV

 

17. Liturgi V : Liturgi Hatutubu

Ø Keluarga : Pdt. Berkat Sihombing S. Th

Ø Keluarga : Pdt. B. Sihotang/Br. Berutu

Ø Vikar A. Limbong

Ø Vikar Yohanes Sihombing

 

18.  Marende BE. No. 62: 1-2 (Halalas Ni Roha Godang)

Ø Halalas ni roha godang, na hubaritahon on.

        Nunga tubu Sipalua di hita jolma on.

  Hasangapon di Debata, laos dame, dame, dame ma di jolma.

  Lomo ni roha ni Debata do hita jolma on.

Ø Ai saborngin on do binsar bintang di na holom i.

  Sumondangi hagolapon, na di rohanta i.

  Hasangapon di Debata, laos dame, dame, dame ma di jolma.

       Lomo ni roha ni Debata do hita jolma on.

 

19.  Renungan Natal: Pdt. T. P. Sihombing M. Th (Kadep Pastorat)

 

20. Marende: “Ho do Hagogoon”

       Dang alani hagoonki, boi au mardalan di ngolungkon

       Aut unang Ho na dilambungki, tung so boi au songon on

       Ho do hagogoon manungkoli ahu

       Reff : Hubereng bohim laos martangiang au, mangido

                  pangurupion di au, Sai tiop tanganku sai togu ma au,

        ai Ho do Tuhan pargogo di au.

 

21. Pelean: 

Ø Ayat Pelean:  Psalmen 107:1

Ø Tangiang Pelean

Ø  Ende Pelean:   BE.  No. 49:6 9 (Sai Ro Ma Tu Bara)

Tung aha ulaning,  denggan di roham. Silehonon nami baen las ni roham. Nang sere nang perak ndang pinangidom,

ai roha na ias sambing do lomom.

 

22. Penutup: Tangiang Ale Ama nami + Pasupasu

       Mangendehon : Amen..Amen...Amen

               

IV. HIBURAN

1.    Kata sambutan :        

Ø Korwil Wilayah IV

Ø Tuan rumah

2.    Penyerahan Diakonia Sosial untuk jemaat GKPI Lau Baleng (Kebakaran Rumah)

3.    Tortor / Marende

4.    Lucky Draw

 

Keluarga Pendeta wilayah IV mengucapkan:

SelamatHari Natal